இங்கிலாந்துக்கு எதிரான டெஸ்ட் போட்டியில் பங்கேற்க இருந்த தமிழக வீரர் அஸ்வினுக்கு கொரோனா தொற்று உறுதி செய்யப்பட்டுள்ளது. இந்தியா – இங்கிலாந்து அணிகள் மோதும் 5 ஆவது டெஸ்ட் போட்டி, ஜூலை 1 ஆம் திகதி பெர்மிங்காமில் நடைபெற உள்ளது.
இந்த போட்டிக்கு முன்பாக இங்கிலாந்து செல்லும் இந்திய அணி 4 நாட்கள் கொண்ட பயிற்சி போட்டியில் விளையாடும். இந்தப் போட்டி நாளை மறுதினம் நடைபெறவுள்ளது. இதற்காக கடந்த 16 ஆம் திகதி அன்றே ரோகித் சர்மா தலைமையிலான இந்திய அணியில் பயிற்சியாளர்கள், வீரர்களை கொண்ட முதல் குழு இங்கிலாந்து சென்றுவிட்டது.
இந்த நிலையில் ரிஷப்பண்ட், ஸ்ரேயாஸ் அய்யர் அடங்கிய 2வது குழுவுடன் தமிழக வீரர் அஸ்வினும் கடந்த 19 ஆம் திகதி அன்று இங்கிலாந்துக்கு செல்லவிருந்த நிலையில், விமானம் ஏறுவதற்கு முன் எடுக்கப்பட்ட கொரோனா பரிசோதனையில் அஸ்வினுக்கு கொரோனா தொற்று உறுதியானது. இதனால் அவர் இங்கிலாந்துக்கு செல்லவில்லை. அவர் தனிமைப்படுத்திக் கொண்டு சிகிச்சை பெற்று வருகிறார்.