இந்திய மீனவர்கள் கடற்படையினரால் கைது

11 இந்திய மீனவர்கள் கடற்படையினரால் நேற்று (07) கைது செய்யப்பட்டுள்ளனர். நெடுந்தீவு கடற்பரப்பில் 03 படகுகளில் மீன்பிடித்துக் கொண்டிருந்த 11 இந்திய மீனவர்களே இவ்வாறு கைது செய்யப்பட்டுள்ளதாக கடற்படை பேச்சாளர் கெப்டன் இந்திக டி சில்வா தெரிவித்தார்.

கைது செய்யப்பட்ட மீனவர்கள் இன்று (08) கடற்றொழில் திணைக்களத்திடம் ஒப்படைக்கப்படவுள்ளனர். இதனிடையே, கடந்த முதலாம் திகதி பருத்தித்துறை கடற்பிராந்தியத்திற்குள் மீன்பிடித்துக்கொண்டிருந்த இந்திய மீனவர்கள் 21 பேர் இலங்கை மீனவர்களால் சுற்றிவளைக்கப்பட்டிருந்தனர். இவர்கள் அனைவரும் எதிர்வரும் 21 ஆம் திகதி வரை விளக்கமறியலில் வைக்கப்பட்டுள்ளமை குறிப்பிடத்தக்கது.