இலங்கை கிரிக்கெட் அணியின் புதிய உதவி பயிற்சியாளராக முன்னாள் கிரிக்கெட் வீரர் நவீத் நவாஸ் நியமிக்கப்படவுள்ளார். இலங்கை அணியின் புதிய தலைமைப் பயிற்றுவிப்பாளராக இங்கிலாந்தின் கிறிஸ் சில்வர்வுட் நியமிக்கப்பட்டுள்ளதுடன், அடுத்த சில நாட்களில் அவர் இலங்கை திரும்பவுள்ளார்.
சில்வர்வுட் நியமிக்கப்படுவதற்கு முன்னர் இலங்கை கிரிக்கட் தொழில்நுட்பக் குழுவினால் தலைமைப் பயிற்றுவிப்பாளர் பதவிக்கு பரிந்துரைக்கப்பட்ட நவீத் நவாஸ், பங்களாதேஷ் இளைஞர் அணி பதவியிலிருந்து விடுவிக்கப்பட்டதாகத் தெரிவிக்கப்படுகிறது. நவீத் நவாஸ் இலங்கை அணியின் உதவி பயிற்சியாளராக இணைந்து கொண்டதன் பின்னர் எதிர்வரும் பங்களாதேஷ் சுற்றுப்பயணத்தில் இணைந்து கொள்ளவுள்ளதாக தெரிவிக்கப்படுகிறது.