தகாத வார்த்தைகள். சர்ச்சையில் பிரெஞ்சு தலைவர்!

உலகம் முழுவதும் கொரோனா வைரஸ் பரவல் அதிகரித்துள்ளது. இதையடுத்து தடுப்பூசி செலுத்த சொல்லி ஒவ்வொரு நாட்டு அரசாங்கமும் மக்களை வலியுறுத்தி வருகின்றன.

இந்நிலையில் பிரான்ஸ் நாட்டின் அரச தலைவர் இம்மானுவேல் மக்ரோன் (Emmanuel Macron), தடுப்பூசி செலுத்தாத மக்கள் குறித்து பேசிய வார்த்தைகள் சர்ச்சையை ஏற்படுத்தியுள்ளது. தடுப்பூசி செலுத்தாதவர்களை நான் சிறைக்கு அனுப்பப்போவதில்லை, அவர்களை கட்டாயப்படுத்தி தடுப்பூசி செலுத்தவைக்கப்போவதில்லை, என்னுடைய திட்டம் எளிமையானது. மக்களை எரிச்சலூட்டபோகிறேன். தடுப்பூசி செலுத்தவில்லை என்றால் உணவகம் செல்ல முடியாது, காபி குடிக்க முடியாது, படம் பார்க்க முடியாது, மக்கள்  ஒன்றும்  செய்ய முடியாத வகையில் மக்களை எரிச்சலூட்டபோகிறேன். தடுப்பூசி போடாதவர்களை சிறுநீர் கழிப்பதுபோல் உதாசீனப்படுத்தப்போகிறேன். அதுதான் இனி அரசின் கொள்கை. இவ்வாறு இம்மானுவேல் மக்ரோன் மக்களை தரக்குறைவாக பேசினார். பிரான்சில் அரச தலைவருக்கான தேர்தலுக்கு இன்னும் 4 மாதங்களே உள்ள நிலையில் அவர் பேசிய வார்த்தைகள் அந்நாட்டு மக்களிடையே கடும் எதிர்ப்பை ஏற்படுத்தியுள்ளது.