இன்று முதல் மூடப்படுகிறது சப்புகஸ்கந்த சுத்திகரிப்பு நிலையம்!

சப்புகஸ்கந்த எண்ணெய் சுத்திகரிப்பு நிலையம் இன்று(20) முதல் தற்காலிகமாக மூடப்படவுள்ளது.

கச்சா எண்ணெய் தட்டுப்பாடு காரணமாக சுத்திகரிப்பு நிலையத்தில் வேலைகள் குறைவாகவே செயற்படுகின்றமை காரணமாக இன்று முதல் அதனை மூடுவதற்கு தீர்மானித்துள்ளதாக இலங்கை பெற்றோலிய கூட்டுத்தாபனம் தெரிவித்துள்ளது.

கச்சா எண்ணெய் கொள்வனவுக்கு பல நிறுவனங்கள் கட்டளை பிறப்பித்துள்ள போதும், குறித்த ஒப்பந்தமானது எப்போது கிடைக்கும் என்பது பற்றிய உறுதியான திகதி இதுவரை தெரியவரவில்லை. எவ்வாறாயினும், கச்சா எண்ணெய் இறக்குமதியின் பின்னர் சபுகஸ்கந்த எண்ணெய் சுத்திகரிப்பு நிலையம் மீண்டும் திறக்கப்படும் என இலங்கை பெற்றோலிய கூட்டுத்தாபனம் அறிவித்தல் பகிர்ந்துள்ளது.