பயங்கரவாத தடைச்சட்டத்தை நீக்குமாறு கோரி யாழ்ப்பாணத்தில் இன்று (16) கையெழுத்து சேகரிக்கும் நடவடிக்கை இடம்பெற்றது. சர்வஜன நீதி அமைப்பு மற்றும் இலங்கை தமிழரசுக் கட்சியின் வாலிப முன்னணி ஆகியன இதனை ஏற்பாடு செய்திருந்தன.
இலங்கை தமிழரசுக் கட்சியின் தலைவர் மாவை. சேனாதிராசா முதலாவது ஒப்பத்தை இட்டு கையெழுத்து போராட்டத்தை ஆரம்பித்து வைத்தார். இதில் அரசியல் கட்சிகளின் பிரமுகர்கள், சமூக ஆர்வலர்கள், பொது அமைப்புக்களுடன் பொது பிரதிநிதிகளும் கையெழுத்திட்டனர்.
பயங்கரவாதத் தடைச்சட்டத்தை நீக்கக் கோரிய கையெழுத்து போராட்டம், முல்லைத்தீவு மாவட்டத்தில் கடந்த வாரம் ஆரம்பமானது. கையெழுத்து போராட்டம் நேற்று (15) கொழும்பில் இடம்பெற்ற நிலையில் இன்று (16) யாழ். மத்திய பஸ் நிலைய முன்றலில் இடம்பெற்றது.
https://ahalnews.com/wp-admin/post.php?post=5280&action=edit