பாடசாலை பாடப்புத்தகங்களை மூன்று மொழிகளில் அச்சிடுவதற்கான செலவு கடந்த வருடத்துடன் ஒப்பிடுகையில் நான்கு மடங்கு அதிகரித்துள்ளதாகவும், விநியோகம் மார்ச் 27 ஆம் திகதி நிறைவடையும் எனவும் கல்வி அமைச்சர் சுசில் பிரேமஜயந்த தெரிவித்துள்ளார்.
மாகாண மற்றும் வலய பாடசாலைகளுக்கான பாடசாலை சீருடை துணி விநியோகத்தை நேற்று ஆரம்பித்து வைத்த பின்னர் ஊடகங்களுக்கு கருத்து தெரிவித்த அமைச்சர் , கடந்த வருடங்களில் பாடப்புத்தகங்களை அச்சிடுவதற்கு. 4.5 பில்லியன் ரூபாவாகும். ஆனால் இந்தாண்டு செலவு 16 பில்லியன் ரூபாவாகும். அரசிடம் பணம் இல்லாவிட்டாலும், குழந்தைகளின் கல்விக்கு இடையூறு ஏற்படாமல் பாடப்புத்தகங்களை அச்சிடுவதற்கு ஒதுக்கி வைத்துள்ளது.
இருப்பினும், பாடப்புத்தக விநியோகம் ஏற்கனவே தொடங்கிவிட்டது, அவற்றில் பாதிக்கும் மேற்பட்டவை ஏற்கனவே அச்சிடப்பட்டுள்ளன. புத்தகங்களை அச்சடித்து முடித்த பின்னர், 2023 ஆம் ஆண்டு மார்ச் 27 ஆம் திகதி ஆரம்பிக்கப்படுவதற்கு முன்னர், நாடு முழுவதும் உள்ள 4.8 மில்லியன் பாடசாலை மாணவர்களுக்கு விநியோகிக்கப்படும் என அமைச்சர் தெரிவித்துள்ளார். பாடப்புத்தகத் தேவையில் 45% அரச அச்சுக் கழகம் இந்தியக் கடன் உதவியுடன் மூலப் பொருட்களைக் கொள்முதல் செய்து, மீதமுள்ள 55% தொகையை 22 தனியார் அச்சுப் பங்காளிகள் செய்திருக்கிறார்கள்.a