முடி உதிர்கிறதா? சித்தர்கள் வழியில் இயற்கை முறையில் தீர்வு

அன்றாட வாழ்வில் நம் சந்திக்கும் பல பிரச்சனைகளோடு ஒன்றாக மாறி வருகிறது “நம் அழகு சார்ந்த பிரச்சனைகளும்”. அதனால் நம்மில் பலர், அவர்கள் அழகைப் பராமரிப்பதில் மிகுந்த ஆர்வம் காட்டி வருகிறார்கள். சிலர் எதுபற்றியும் கவலை கொள்வதே இல்லை, ஆனால் பலர் பொதுவாக எதிர்நோக்கும் பிரச்சனைகள் என்று பார்த்தால் குறிப்பாக, முடி உதிர்வை தடுத்தல், முகப்பரு அகற்றுதல், உடல் எடை குறைதல், போன்ற சரும பிரச்சனைகளில் இருந்து, எப்படி விடுபடுவது என்று யோசனை கொள்கிறார்கள். 

இதில் முடி உதிர்வைக் கண்டு நம்மில் பலர்  அஞ்சி இருக்கிறோம். அது மட்டும் இல்லாமல் இப்படிக்கொத்து கொத்தாக  முடி உதிர்வதை எப்படித்தடுப்பது என்று எண்ணி வருந்தவும் செய்து இருக்கிறோம்.

அது பலருக்கு மிகுந்த மனவுளைச்சலைக்கூட கொடுத்துக்கொண்டிருக்கும் இதன் காரணமாக இதிலிருந்து எவ்விதம் விடுபடுவது என்கிற மனநிலையில் , யூரியூப் போன்ற இணையதளங்களில் முடி உதிர்வைத் தடுப்பதற்கான பல ஆலோசனை வீடியோகளை பார்த்தும் பல மருத்துவர்களை அணுகி, அவர்களின் அறிவுறுத்தலால் விலையுயர்ந்த ஷாம்பூ, கண்டிஷ்னர் மற்றும் விலைஉயர்ந்த கிறீம் எண்ணெய் போன்ற பல்வேறு பொருட்களை வாங்கி பயன்படுத்தி வருவதும் உண்டு. 

பொதுவாக அளவுக்கதிகமாக முடி உதிராமல் இருக்கும் வரை முடி உதிர்வு சாதாரணமா ஒன்றுதான். நாம் தலை சீவும் பொழுது சீப்பில் மட்டும் வரும் நான்கு ஐந்து முடி நாளடைவில் இயல்பாகவே கீழே விழக்கூடியது.

அதுவே தலையைத் துவட்டும் போது துவாய் அல்லது துணியிலும், கழுத்துப்பகுதியிலும், ஆடையிலும் கொஞ்சம் அதிகமாக  10க்கும் மேற்பட்ட முடிகள்  உதிர தொடங்கினால் அது நிச்சயம் சத்து குறைபாடல் உதிரக்கூடிய ஆரம்பக்கட்ட முடி உதிர்வு பிரச்சனை தான். 

இவற்றுக்கெல்லாம் ஓர் முற்றுப்புள்ளியாக, இயற்கை முறையில் எப்படித்தீர்வு காணமுடியும் என்பதைக் குறித்து சில குறிப்புகளைப் பற்றித் தெரிந்து கொள்ளலாம்.அதாவது எவ்வித பக்கவிளைவுகளும் இல்லாமல் இயற்கை முறையில் முடி உதிர்வை எவ்விதம் தடுத்து, தலை முடியை ஆரோக்கியமாக வைத்துக்கொள்ளலாம் என்பது பற்றி இப்போது பார்க்கலாம். தலைமுடி உதிர்வைக்கட்டுப்படுத்த  உதவும் காய்கறிகள் மற்றும் பழங்களின் ஜூஸ் பற்றி இப்போது பார்ப்போம்.

கொத்தமல்லி பசை

முடி உதிர்வைத் தடுக்க நம் முன்னோர்களின் குறிப்பு படி கொத்தமல்லி இலையை வைத்தே நம்மால் இழந்த முடியை மீண்டும் பெற முடியும். சமையலில் வாசனைக்காகவும், செரிமானத்திற்காகவும் பயன்படுத்தும் கொத்தமல்லியை அரைத்து நல்ல பசை போல எடுத்துக்கொள்ள வேண்டும்,அதனை  முடியின் வேரில் தடவி 1 மணி நேரம் வரை ஊற வைக்கவும். அதன்பின் தலைக்குக் குளிக்கலாம். இப்படி வாரத்திற்கு 1 முறை செய்து வந்தால் முடி உதிர்வைத் தடுத்து ஆரோக்கியமான முடியைப் பெறலாம். 

வெங்காய பசை

முடி வளர்ச்சிக்கு வெங்காயம்  சிறந்தது என்று நம் அனைவரும் அறிந்த உண்மை. அதனால் சிறிதளவு சிறிய வெங்காயத்தை மிக்ஸி ஜாரில் தண்ணீர் ஊற்றாமல் நன்றாக அரைத்து கொள்ளவும். பின்னர் வெங்காய  பசையை தலையில் நன்றாக  தேய்த்து  1 மணி நேரம் வரை ஊற வைக்கவும்.

நன்றாக ஊறிய பிறகு வெங்காய வாசனை முடியில் இல்லாதவாறு ஷாம்பூவால் தலைக்கு குளிக்கவும். இப்படி வாரத்திற்கு1 முறை, என்று 2 மாதங்களுக்கு இந்த முறையை செய்து வந்தால் முடி உதிர்வை தடுத்து, அடர்த்தியான முடியை பெறலாம்.