2022 ஆம் ஆண்டு லங்கா பிரீமியர் லீக் ரி-20 தொடரில் பயன்படுத்தப்படவுள்ள புதிய இலச்சினை இலங்கை கிரிக்கெட் சபை மூலம் அறிமுகப்படுத்தப்பட்டிருக்கின்றது. மூன்றாவது முறையாக நடைபெறவுள்ள இந்தப் பருவகாலத்திற்கான எல்.பி.எல் தொடரின் இலச்சினையினை இலங்கை கிரிக்கெட் அணியின் இரசிகர் ஒருவரே வடிவமைத்திருப்பது குறிப்பிடத்தக்க விடயமாகும்.
இலங்கை கிரிக்கெட் சபை புதிய இலச்சினையினை வடிவமைப்பதற்கான போட்டித் தொடர் ஒன்றினை ஒழுங்கமைத்திருந்ததோடு, இந்தப் போட்டித் தொடரின் மூலமே இலங்கை கிரிக்கெட் அணியின் இரசிகர் வடிவமைத்த இலச்சினையானது எல்.பி.எல் தொடருக்காக தெரிவு செய்யப்பட்டிருக்கின்றமை குறிப்பிடத்தக்கது.