லாரா சாதனையை முறியடித்தார் பும்ரா

கடைசி கட்டத்தில் அதிரடியாக ஆடிய பும்ரா ஒரே ஓவரில் 29 ஓட்டங்கள் எடுத்தார். இதன்மூலம் லாராவின் 19 ஆண்டு கால சாதனையை பும்ரா முறியடித்தார். பர்மிங்காம் இங்கிலாந்துக்கு எதிரான 5 ஆவது டெஸ்டில் இந்தியா முதல் இன்னிங்சில் 416 ரன்களுக்கு ஆல் அவுட்டானது. ரிஷப்பண்ட், ரவீந்திர ஜடேஜா சதமடித்து அசத்தினர்.

இங்கிலாந்துக்கு எதிரான கடைசி டெஸ்டில் இந்தியாவின் பும்ரா 83 ஆவது ஓவரில் 35 ஓட்டங்கள் எடுத்து அசத்தினார், ஸ்டூவர்ட் பிராட் வீசிய 83 ஓவரில் இந்த வரலாற்று சாதனையை நிகழ்த்திக் காட்டினார் பும்ரா. பிராட் ஓவரின் முதல் பந்தில் பவுண்டரி விளாச, அடுத்து வீசப்பட்ட பந்து வைடுமுறையில் 5 ரன்களை பெற்றுத்தந்தது. நோ போலாக வீசப்பட்ட அடுத்த பந்தை பும்ரா சிக்சர் விளாசினார்.

தொடர்ந்து அதிரடியாக விளையாடிய பும்ரா, அடுத்த பந்துகளை ஹாட்ரிக் பவுண்டரி விளாசினார். 5 ஆவது பந்தை மீண்டும் சிக்சருக்கு விளாசிய பும்ரா, கடைசி பந்தில் ஒரு ரன் எடுத்தார். இதன்மூலம் அந்த ஒரு ஓவரில் மட்டும் 35 ஓட்டங்கள் எடுத்து விளாசப்பட்டது. பும்ரா மட்டும் 29 ரன் விளாசினார். இதன்மூலம் கடந்த 2003ஆம் ஆண்டு ஜோகன்னஸ்பர்க் டெஸ்டில் தென் ஆப்ரிக்க வீரர் ராபின் பீட்டாசன் பந்துவீச்சில் ஒரே ஓவரில் 28 ரன்கள் விளாசிய லெஜண்ட் வீரர் பிரையன் லாராவின் சாதனையை கேப்டனாக தான் பதவியேற்ற முதல் போட்டியிலேயே பும்ரா முறியடித்துள்ளார்.