பிரதமர் ரணில் விக்கிரமசிங்க அலரிமாளிகையில் குடியேறுவதில்லை எனத் தீர்மானித்துள்ளார். பிரதமர் செயலகத்தின் செலவுகளை 50 வீதமாக குறைக்குமாறு பிரதமர் இதற்கு முன்னர் உத்தரவிட்டிருந்ததுடன் அச்செலவு குறைப்பு தனக்கும் பொருந்தும் எனவும் பிரதமர் கூறியுள்ளார்.
தான் தனது தனிப்பட்ட சொந்த வீட்டில் குடியிருப்பதாகவும் கொழும்பு பிளவர் வீதியில் உள்ள பிரதமரின் செயலகத்தில் இருந்து கடமைகளை செய்ய முடிவு செய்துள்ளதாகவும் ரணில் விக்கிரமசிங்க தெரிவித்துள்ளார்.
இதனிடையே நல்லாட்சி அரசாங்கம் ஆட்சியில் இருக்கும் போதும் ரணில் விக்கிரமசிங்க அலரிமாளிகையில் குடியிருக்கவில்லை எனவும் அரச பணிகளுக்காக மாத்திரம் அலரிமாளிகையை பயன்படுத்தி வந்தார் எனவும் பிரதமர் செயலகத்தின் மூத்த அதிகாரி ஒருவர் கூறியுள்ளார்.