சர்வதேச கிரிக்கெட் அரங்கிலிருந்து ஓய்வுபெற்ற நட்சத்திர வீரர்கள் பங்கேற்கும் லெஜெண்ட்ஸ் கிரிக்கெட் லீக் இருபதுக்கு 20 போட்டித் தொடர் ஓமான் தலைநகர் மஸ் கட்டில் எதிர்வரும் 20 ஆம் திகதி முதல் 29 ஆம் திகதி வரை நடைபெறவுள்ளது.
இப்போட்டித் தொடரில், ஆசிய லெஜெண்ட்ஸ் , உலக லெஜெண்ட்ஸ், இந்திய லெஜென்ட்ஸ் என 3 அணிகள் விளையாடவுள்ளன.
இப்போட்டித் தொடரில் பங்கேற்கும் ஆசிய லெஜெண்ட் ஸுக்கு ஏஷியா லயன்ஸ் என பெயரிடப்பட்டுள்ளதுடன், இந்தியா லெஜெண்ட்ஸுக்கு இந்தியன் மஹராஜாஸ் எனவும், உலக லெஜெண்ட்ஸுக்கு வேர்ல்ட் ஜயண்ட்ஸ் எனவும் பெயரிடப்பட்டுள்ளன. தொடரின் அனைத்துப் போட்டிகளும் இலங்கை நேரப்படி இரவு 8 மணிக்கு ஆரம்பமாகவுள்ளது.
ஏஷியன் லயன்ஸ் அணியில் இலங்கை கிரிக்கெட் அணியின் முன்னாள் நட்சத்திர வீரர்களான, சனத் ஜயசூரிய, முத்தையா முரளிதரன், சமிந்த வாஸ், திலகரட்ண டில்ஷான், உப்புல் தரங்க, ரொமேஷ் களுவித்தாரன, சொய்ப் அக்தர் ஆகியோர் இடம் பெற்றுள்ளனர்.