திறமையும், நம்பிக்கையும் இருந்தால் ஒரு கலைஞன் எந்த உச்சத்தையும் தொட்டுவிடலாம் என்பதற்கு உதாரணமாக இருக்கிறார் சிவகார்த்திகேயன்.
காமெடியன், தொகுப்பாளர், நடிகர், பாடகர், பாடலாசிரியர் இன்று தயாரிப்பாளர் என கோலிவுட் சினிமாவில் தனக்கான இடத்தை அழுத்தமாக பிடித்து தவிர்க்க முடியாத கலைஞனாக மாறியுள்ளார். நடிகர் சிவகார்த்திகேயன் இன்று தனது 37வது பிறந்த நாளை கொண்டாடி வருகிறார். அவருக்கு பல திரைப்பிரபலங்கள் பிறந்தநாள் வாழ்த்து கூறிவருகின்றனர்.
விஜய் தொலைக்காட்சியில் கலக்கப்போவது யார் நிகழ்ச்சியில் பத்து பேரில் ஒருவராக வந்து, தனது வாழ்க்கை பயணத்தை தொடங்கிய சிவகார்த்திகேயன், இன்று அனைவரும் வியந்து பாராட்டும் வகையில் நடிகர், பாடகர், பாடலாசிரியர், தயாரிப்பாளர் என இமாலய உச்சத்தில் இருக்கிறார். 3 திரைப்படத்தில் தனுஷூடன் நண்பனாக வெள்ளித்திரையில் கால்பதித்தார் சிவகார்த்தியேன். சின்னத்திரையில் ஜொலித்தவர்களால் வெள்ளித்திரையில் பிரகாசிப்பது அவ்வளவு எளிதானது அல்ல. ஆனால், சிவகார்த்கேயனுக்கு இரண்டுமே சாத்தியமானது. இவரின் இந்த அபரிமிதமான வளர்ச்சிக்கு காரணம் அலட்டிக்கொள்ளலாத நடிப்பு, கலகலப்பான பேச்சு, பணிவான குணம் என்றே கூறலாம். அவருக்கு பிறந்தநாள் வாழ்த்தைக்கூறிக்கொள்கிறது எமது அகல் நியூஸ்டொட் கொம்.