பொருளாதார நெருக்கடியை சமாளிக்க இலங்கைக்கு சர்வதேச நாணய நிதியம் தனது ஆதரவை மீண்டும் உறுதி செய்துள்ளது. வொஷிங்டனில் நிதி இராஜாங்க அமைச்சர் ஷெஹான் சேமசிங்க தலைமையில் இலங்கைக் குழுவுடனான சந்திப்பின் போது, சர்வதேச நாணய நிதியத்தின் முகாமைத்துவப் பணிப்பாளர் கிறிஸ்டலினா ஜோர்ஜீவா, இந்த இக்கட்டான நேரத்தில் இலங்கைக்கு ஆதரவளிக்க சர்வதேச நாணய நிதியம் உள்ளது என்றார். நெருக்கடியைச் சமாளிக்க அனைவரும் ஒன்றிணைந்து செயற்படுவதன் முக்கியத்துவத்தையும் அவர் வலியுறுத்தியுள்ளார்.
இதேவேளை, இராஜாங்க அமைச்சர் சேமசிங்க, பொருளாதார நெருக்கடியின் போது இலங்கை எதிர்கொள்ளும் சிரமங்களை சமாளிக்க ஆதரவளிக்க தலைமைத்துவத்தை வழங்கிய சர்வதேச நாணய நிதியத்தின் முகாமைத்துவ பணிப்பாளர் கிறிஸ்டலினா ஜோர்ஜீவாவுக்கு நன்றி தெரிவிப்பதாக இராஜாங்க அமைச்சர் சேமசிங்க தெரிவித்தார்.
கடன் நிலைத்தன்மையை அடைவதற்கும் பொருளாதார ஸ்திரத்தன்மையை மீட்டெடுப்பதற்கும் இலட்சிய சீர்திருத்த நிகழ்ச்சி நிரலை தொடர்ந்து அமுல்படுத்தும் அதே வேளையில் சர்வதேச நாணய நிதியத்தின் வேலைத்திட்டத்தை நிறைவு செய்வதற்கான இலங்கையின் அர்ப்பணிப்பை அவர்கள் மீண்டும் உறுதிப்படுத்தியதாக இராஜாங்க அமைச்சர் குறிப்பிட்டார்.
நெருக்கடியில் இருந்து கற்றுக்கொண்ட பாடங்களைக் கட்டியெழுப்புவதன் மூலம் இலங்கையின் சர்வதேச பங்காளிகளின் ஆதரவுடனும் நம்பிக்கையுடனும் வளமான நாட்டைக் கட்டியெழுப்புவதற்கு இந்த வரலாற்று நேரத்தில் அரசாங்கத்தின் விருப்பத்தையும் அர்ப்பணிப்பையும் தாங்கள் மீண்டும் வலியுறுத்துவதாகஇராஜாங்க அமைச்சர் மேலும் தெரிவித்துள்ளார்.