அமெரிக்கா பென்சில்வேனியா மாகாணம் பிலதெல்பியா பகுதியில் உள்ள ஒரு அடுக்குமாடி குடியிருப்பில் ஏற்பட்ட தீ விபத்தில் 7 குழந்தைகள் உட்பட 13 பேர் உயிரிழந்துள்ளனர். இன்று (06) காலை அமெரிக்க நேரத்தின்படி, சுமார் காலை 6.40 மணியளவில் குறித்த சம்பவம் அடுக்குமாடி குடியிருப்பின் இரண்டாவது தளத்தில் இடம்பெற்றுள்ளது.
அமெரிக்க தீயணைப்பு வீரர்கள் சம்பவ இடத்திற்கு சென்று சுமார் 50 நிமிட போராட்டத்திற்குப் பிறகு தீயைக் கட்டுக்குள் கொண்டு வந்துள்ளனர். எனினும், இந்த தீ விபத்தினால் 7 குழந்தைகள் உட்பட 13 பேர் உயிரிழந்ததாக பிலதெல்பியா தீயணைப்புத்துறை தெரிவித்துள்ளது. மேலும் 2 பேர் தீவிர சிகிச்சை பெற்று வருவதாகவும் தெரிவித்துள்ளது.
