பாகிஸ்தானின் வடமேற்கில் இராணுவ பயிற்சிப் பறப்பொன்றில் ஈடுபட்டிருக்கும் போது அந்நாட்டு விமானப்படையின் பயிற்சி விமானமொன்று நேற்று வீழ்ந்ததில், அதிலிருந்த இரண்டு விமானிகள் இறந்திருக்கலாமென விமானப்படையின் பேச்சாளரொருவர் தெரிவித்துள்ளார்.
வழமையாக அவர்களது பயிற்சியின்போது பெஷாவருக்கு அருகில் விமானம் பறந்த போது விமானப்படை விமானம் வீழ்ந்ததாக விமானப்படையால் வெளியிடப்பட்ட அறிக்கையில் தெரிவிக்கப்பட்டுள்ளது.
இந்நிலையில், இவ்விதம் பயிற்சி விமானமானது வீழ்ந்து விபத்துக்குள்ளான சம்பவத்துக்கான காரணத்தைக் கண்டறிவதற்காக விசாரணையொன்றுக்கு உத்தரவிடப்பட்டுள்ளதாக அது குறித்து பேசப்பட்டு வருகின்றதாக அறிக்கையில் மேலும் குறிப்பிடப்பட்டுள்ளது.